Chitral Times

23rd August 2017

ﺗﻔﺼﻴﻼﺕ

گولین بجلی گھر سے جمعہ تک چترال ٹاون میں بجلی دینے کا فیصلہ

May 30, 2017 at 8:44 pm

چترال ( نمائندہ چترال ٹائمز) برموغ گولین میں ایس آر ایس پی کے حال ہی میں تعمیر کردہ 2میگاواٹ ہائیڈروپاؤر اسٹیشن سے چترال شہر اور مضافات کو بجلی کی فراہمی کے لئے منگل کے روز برموغ گولین میں ایک اجلاس کے بعد یہ فیصلہ ہوا کہ بجلی گھر میں پیدا ہونے والی نقص کو دور کرنے کے بعد آنے والے جمعہ تک چالو کیا جائے گاجس سے چترال ٹاؤن میں بجلی کی بدتریں لوڈ شیڈنگ میں خاطر خواہ کمی آئے گی۔ ضلع ناظم مغفرت شاہ، ایس آر ایس پی کے ریجنل پروگرام منیجر طارق احمد ، پیڈو کے سابق ڈائرکٹر اور معروف ہائیڈروپاؤر انجینئر بشیر احمد اور دوسروں نے تمام تکنیکی پہلوؤں کا باریک بینی سے جائزہ لیتے ہوئے اس نتیجے پر پہنچے کہ بجلی گھر کے لئے چین سے مشینری فراہم کرنے والی فرم کے انجینئروں کی آمد کے بعد نقائص دور کئے جاسکتے ہیں۔

اس موقع پر ضلع ناظم مغفرت شاہ نے کہاکہ بجلی کا بحران پورے ملک میں ایک خوفناک شکل اختیار کرلی ہے اور چترال میں بھی اس کا ہونا قدرتی امر ہے ۔ انہوں نے کہاکہ چترال میں بجلی کے بحران پر قابو پانے کے لئے ایس آر ایس پی نے دو میگاواٹ کی بجلی گھر تعمیر کر کے اس علاقے پر احسان کیا ہے لیکن اب اس کے اپریشن کے مرحلے میں ایک غیر یقینی صورت حال پید ا کردی ہے ۔ انہوں نے کہاکہ اس بجلی گھر کے ساتھ عوام کی توقعات وابستہ ہیں جس کی وجہ سے ضلعی حکومت کا ہر ممکن مدد اسے حاصل ہوگا لیکن اس سلسلے کوئی کوتاہی اور سستی برداشت نہیں کی جائے گی۔ اس موقع پر انجینئر بشیر احمد نے چترال کے عوام پر زور دیا کہ وہ صبر وتحمل کا مظاہرہ کریں اور مثبت انداز اختیار کرتے ہوئے اس کی درستگی کا انتظارکریں جس میں ذیادہ تکنیکی نقائص نہیں ہیں اور بہت جلد ہی کام شروع کرے گی۔

دریں اثنا  چترال مین وکلاء کی طرف سے چترال ٹاون مین بجلی کی عدم فراہمی ، وولٹیج کی انتہائ کمی، غیر اعلانیہ اور مسلسل لوڈ شڈنگ اور دو میگاواٹ کے گولین پاور اسٹیشن سے بجلی کی عدم فراہمی پر ڈسٹرکٹ بار سے بازار پل تک احتجاجی جلوس نکالا اور چترال گول پل پر ایک احتجاجی جلسے کا اہتمام کیا جس مین کافی تعداد مین لوگون نے شرکت کی۔ وکلاء اور جلسے میں شامل لوگون نے آیم پی ایز، ایم این اے، ضلع ناظم و ضلعی حکومت ،پاور کمیٹی اور آیس آر ایس پی کی خلاف نعرہ بازی کی.

Translate »
error: Content is protected !!